كل اللى عايز تعرفه عن BMW ال X6 و ال X4 المصري

شيماء عادل

فى حفل نظمته BMW مصر مؤخراً فى فندق كيمبنسكى، أعلنت الشركة عن وصول آخر فئتين فى عائلة X الشهيرة وهم X6 و X4 وإللى تم تجميعهم محليا فى مصانع الشركة فى 6 أكتوبر.

xx.jpg

والحاجة إللى بتدعو للفخر إن المصنع المصرى حصل على تقييمات عالية عالميا ودخل فى منافسة أكبر مصانع BMW حول العالم ومش بس كده، كمان نجح فى إنه يتفوق ويسبق كتير من المصانع العالمية. والسبب فى نجاح المصنع بالشكل الكبير دا هو حجم الإستثمارات إللى بتشارك يه المجموعة البافارية للسيارات "وكيل BMW فى مصر" وإللى قدرت تدخل فيه معايير خاصة وعالمية تخص جودة التصنيع.

xnxx.jpg

بدأت فئة BMW X فى مصر مع X1 إللى ظهرت سنة 2010 وباعت أكتر من 1600 عربية، أما ال X3 وإللى بتعتبر أكتر عربية BMW ناجحة فى مصر باعت أكتر من 5600 عربية، وبعد الX3 ظهرت الX5 آواخر 2015.
ومن التصريحات المهمة لمسئولين BMW فى الحفل، إن سعر العربية المجمعة محليا سواء X6 أو X4 هيكون أقل من العربية المستوردة بحوالى 30 أو 40%.

X6
تعتبر X6 اول سيارة رياضية متعددة الأستخدامات وإللى فى نفس الوقت مصممة بملامح وشكل السيارت الكوبيه، وعلشان كده إتصنفت من ضمن فئة Sports Activity Coupe وإللى بدأت من الأساس مع ال X6.. هنلاقى مواصفات العربية فى مصر بتجمع بين المحرك الخرافى سعة 4400 سى سى و 8 إسطوانات بتكنولوجيا TwinPower Turbo، وقوة 450 حصان وناقل حركة إوتوماتيك 8 سرعات بنظام الدفع الكلى xDrive.
اما عن سعر X6 فى السوق المصرى، فهتعمل حوالى مليون و 25 ألف جنيه.

x6.jpg

X4
وبنفس الشخصية والمواصفات تأتى ال X4 إللى تم طرحها فى مصر بمحرك 3000 سى سى بستة إسطوانات وتكنولوجيا TwinPower Turbo
وقوة 306 حصان، يتصل بناقل حركة أوتوماتيكي 8 سرعات، وتعمل السيارة بنظام الدفع الكلي xDrive،
وسعر ال X4 فى مصر هيكون حوالى 825 ألف جنيه.

x4.jpg


شارك هذا المقال: