أفضل أماكن تعزمها فيها على الفطار

شيماء عادل
شارك هذا المقال:


لو عايز تظبط يومك وتبدأ اليوم كده بحاجة حلوة، إبدأه بإنك تعزمها على الفطار. وعلى الفكرة الفطار من الوجبات إللى ممكن تكون إقتصادية، يعنى ممكن تبسطها بأقل التكاليف وبرده ممكن يكلفك مبلغ مش قليل. فأختار بقى يا معلم على حسب ظروفك.

1.jpg

TBS:
تي بي أس له أكثر من فرع ومن أشهرهم فرع الكوربة والزمالك والمعادي و6 أكتوبر. تي بي أس ينفع تختاره لو مزاجك رايح للمخبوزات، حاجة كده طازجة ومميزة.

أسعار تي بي أس تبدأ من 10 ل 15جنيه للكرواسون و حتي 40 جنيه للساندويتش والكيك فى حدود 35 ل 40 جنيه.

2.jpg
Paul:
بول له عدد كبير من الفروع من أشهرها وأقدمها فرع شارع جزيرة العرب بالمهندسين ، لكن خلينا متفقين إن بول من الأماكن اللى لازم تكون قابض المرتب يوم ماتفكر تروح أو تخليه وقت المناسبات بس زى عيد ميلادها أو عيد جوازكوا.

ودا لان أسعار بول فتبدأ من20 جنيه للكرواسون وبتوصل أطباق الفطار من 40 جنيه الى 80 جنيه للطبق، أسعاره غالية حبتين لكن في المقابل هتفطر فطار ملوكى.

3.jpg

Left Bank:
موجود جنب سيكويا كافيه في 53 شارع أبو الفدا بالزمالك، ودا من أحلى الفطار إللى ممكن تفطره فى حياتك علشان منظر النيل إللى هيفتح نفسك على اليوم كله.

مواعيد الفطار فى لفت بانك من الساعة 8 الصبح لحد 1 الظهر، أما عن أسعار ليفت بانك في قائمة الطعام فتبدأ من 10 جنيه للكرواسون و من 20 ل 25 جنيه للكيك وتصل ل 50 جنيه لطبق الجبن المشكل.

4.jpg

Baladina:
بلدينا موجود فى أركان مول وله فرع تانى فى "بلاتفورم بالمعادي" Platform ،بلادينا يعتبر من أماكن الأكل المصري الأصيل وبيقدم الفطار الشرقى بشكل شيك وأسعار معقولة. زى الفول والطعمية والأومليت والشكشوكة والبطاطس وبتكون أسعارهم من 16 ل 25 جنيه، أما الفطير المشلتت بيوصل ل 65 جنيه ووجبة بلدينا للفطار إللى مكونة من فول وطعمية وبيض وسلطة سعرها 55 جنيه.

5.jpg

TED’s
موجود فى سيتى ستارز الدور الرابع، يعتبر هو كمان من الفطار الشيك بس أسعاره معقولة برده. هتلاقى المافن هناك فى ب 10 و25 جنيه، والكرواسون من 10 ل 22 جنيه، الدونات ب 12 و 14 جنيه، والكيك من 25 ل 45 جنيه. ومتنساش تجرب أهم وأشهر حاجة عند TED’s وهى عصير الليمون إللى بيعمله بأطعمه وألوان مختلفة.

6.jpg


Qahwa
قهوة موجود فى أركان مول وفى القاهرة الجديدة. أشهر حاجة عند قهوة هو الأومليت إللى بيقدمه، وإللى موجود أصناف وإختيارات كتيرة جدا منه وأسعارهم بتتراوح من 28 ل 40 جنيه. هتلاقى الكرواسون والدونات من 12 ل 16 جنيه والتوست من 21 ل 28 جنيه، أما الوافل والكريب والبان كيك هتلاقيهم من 25 ل 35 جنيه.

كلمها، إعزمها، إفطر وإدعيلى
وبالهنا والشفا.....