السودة ولا البنى ؟ محتار أختار مين فيهم !

فريق راجل. دوت كوم

من الطبيعي إن أى شخص هيكون عنده لونين من الجزم الأساسيين هم البنى والإسود بس مش الطبيعي انك تلبس أى واحدة فيهم على أى لبس عندك وتقول هم بيليقوا على كل حاجة لأن الحقيقة مش بيليقو على كل حاجة ... وكل لون فيهم ليه ألوان بنطلونات مفضلة ... تعالى نقولكم عليها

shoes-1501837_960_720.jpg

الجزمة السودة :

الإسود مش هيقولك لأ لو لبسته على أى حاجة بس صدقنى شكله مش بيبقا حلو فى كل الأوقات ومبتبينش أى أناقة ليه لو لبسته على بنطلون إسود مثلاً لأن لون الجزمة بيروح مع لون البنطلون ، أو مع بنطلون جينز أزرق فاتح أوى أو بنطلون أزرق عموماً ، بيبقا برضو الشكل مش حلو ..

. إنما الألوان اللى الجزمة السودة بتاعتك تبقا معاها عظيمة وشيك ولايقة وتخطف العين غالباً بتكون الألوان الرمادية كلها ... بنطلون gray على جزمة سودة ..

light-grey-suit-shoes-1024x1024.jpg

أو درجات ال beige كلها والأبيض ...

كل ده بيخلى جزمتك السودة محل ملاحظة وبتخطف العين أكتر ..

1345137290_2.jpg

الجزمة البنى :

الجزمة البنى بتدى اللي لابسها ثقة فى نفسه بشكل كبير ، وبتبقا أشيك كتير فى اللبس وعلامة أناقة ملهاش مثيل ، إسأل أى بنت بتحبي ايه فى لبس الراجل هتقولك لو لابس جزمة بنى وساعة بنى ، متفهمش السر إيه لكن دي حقيقة !

shoe-1174452_960_720.jpg

انما لو لبستها مع درجات الــ beige هتكون لايقة بشكل كبير بس حاول متلبسش بنطلون نفس درجة الجزمة خالص ، حاول تخليه أفتح أو أغمق

لو لبست واحدة بنى على بنطلون gray مش هيقولك لأ .. بالعكس 

1345137290_3.jpg

الجينز بكل درجاته بيليق كتير مع الجزمة البنى وبتديله مظهر شيك ، وكمان لو بنطلون إسود – مش فى المقابلات الرسمية – هتديلك نوع من الأناقة ..

shoe-522406_960_720.jpg

والأزرق دايماً مع البني

1345137290_3.jpg

ودايماً خليك متأكد إن اهتمامك وإعتنائك بالجزمة البنى أو السودة أهم من كل الكلام ده فى الأصل ... لأن لو متربه ومبهدلة مش هتفرق سينا من سونيا !


شارك هذا المقال: