هنيدى .. تانى ضحايا العدل فى رمضان !

أحمد صلاح

كتير مننا انبسط جدا ان فضل شاكر رجع يغنى وبعد ما سجل فعلا تتر مسلسل يسرا .. وبسبب غضب الجمهور اللبنانى قرر العدل جروب انهم يشيلوا صوت فضل من التتر .. ومن يومين بقا شوفنا ازمه جديده برده من العدل بخصوص مسلسل هنيدى الجديد " ارض النفاق " واللى كلنا مستنينه فى رمضان عشان معظمنا عارف ان روايه ارض النفاق دى عظيمه ومن روائع الاديب يوسف السباعى


ايه الحكايه ؟
كلنا شوفنا التويتايه دى من هنيدى ومافهمناش حاجه وزعلنا جدا


فاكرين فيلم ارض النفاق بتاع فؤاد المهندس عارفين الممثل عبد الرحيم الزقانى .. ايوه اللى هو كان تاجر الحبوب بتاعت الاخلاق

20290-_310x310_faa43cf00c49c99bf298a307cb27282c329669a02b82f1c4f32044e06ff58436.jpg

المخرج شاف ان الاعلامى ابراهيم عيسى هيكون اكتر حد مناسب للدور دا .. المهم يعدى الوقت وبدأ التصوير من شهر يناير والقناه السعودية sbc اشترت المسلسل من العدل جروب على انه يتعرض على شاشتها وفجأه كدا بقه لما اكتشفوا ان ابراهيم عيسى هيكون بطل فى المسلسل مش مجرد دور صغير .. اعترضوا وقرروا انهم يستغنوا عن المسلسل .. وطبعا دا عشان اراء ابراهيم عيسى المعاديه للسعوديه


ودى كانت ضربه كبيره للعدل .. وبعد مفاوضات كتير قناه sbc اشترطت انها تستبدل كل مشاهد ابراهيم عيسى بممثل تانى وكان البديل هو سامى مغاورى ..يعنى المسلسل يتعرض عندنا هنا بابراهيم عيسى ويتعرض عندهم بسامى مغاورى
المهم بقه هنا فى مصر كان المفروض يتعرض المسلسل على قنوات اون تى فى .. اللى حتى الان برده ماقرروش انهم يعرضوا المسلسل فى رمضان وواضح انهم هياخدوا نفس اتجاه قناه sbc ..

وهنيدي رجع وأكد استمرار التصوير


شارك هذا المقال: