أسهل الطرق لتعلم برمجة الأندرويد

أحمد صلاح

شغل البرمجه بشكل عام وباالاخص برمجه نظام اندرويد اللى هو النظام اللى فى 85% من موبيلات العالم من اكتر المجالات اللى تقدر لو اتعلمتها كويس انك تشتغل بيها على الانترنت .. وممكن تكتشف ده بنفسك لو دخلت على اى موقع من المواقع اللى بتطلب شغل من الانترنت هتلاقى ان برمجه اندرويد مطلوبه جدا والمقابل المادى بتاعها كويس اوى .. ولو تفتكر المبادره اللى الامارات كانت اعلنت عنها فى اخر السنه اللى فاتت وقررت تعلم مليون واحد البرمجه باشكالها المختلفه وسواء كنت قدمت فيها ومستنيها او مقدمتش فيها .. انا هقدملك انهارده كام موقع وقناه تتقدر تتعلم منهم بشكل كبير


Viral android

11111111.png
 
من افضل المواقع التعليميه وافضل من الموقع الرسمى وبيمتاز بالتنوع ومش بس مفيد للمحترفين لان فيه دورات للمبتدئين وبشكل مجانى كمان بيقدم مواضيع لتصميم وجهات تطبيقات الاندرويد


http://www.viralandroid.com/


Offical androis developers site
 

2222222222.png


ودا الموقع الرسمى لنظام اندرويد نفسه .. والجزء الخاص بالتعليم للمبتدئين ممكن تقدر تعلم انك تعمل تطبيق اندرويد خاص بيك من الجزء الخاص ده Getting Started: Building Your First App


https://developer.android.com/training/basics/firstapp/index.html


vogella


 3.png


الموقع دا بيمتاز بأنه متقسم كويس والدورات اللى فيه تقدر توصلها بسهوله ده غير ان فيه مقالات كتير جدا عن تطوير كل تطبيقات الاندرويد .. وكمان فيه جزء تعليمات الجافا اللى المحترفين بيستخدموها فى وجهات التطبيقات


http://www.vogella.com/tutorials/android.html


المواقع اللى فاتت دى لازم يكون الانجليزى بتاعك كويس الى حد ما عشان تقدر تفهم ... انما لو انت عايز حاجه بالعربى كده وتكون مبسطه وسهله هيكون عندك
قناة عبد الله عيد على اليوتيوب
لو كتبت على يوتيوب تعليم برمجه اندرويد هتجيلك فيديوهات كتير وناس كتير بتشرح الموضوع بشكل مبسط بس انا اختارت اكتر قناه منظمه وفيها مشروع لبرمجه تطبيق بفيديوهات طريقه شرحها مبسط وسهله


https://www.youtube.com/playlist?list=PL987D0B965F799760

عرب اندرويد


 5.png


موقع بسيط وهيعلمك البرمجه من البدايه خاص لغايه المستوى المتوسط ده غير انه بيشرحلك ازاى اهم التطبيقات اللى على الاندرويد اتعملت


http://arabandroid.net/


يالا اعمل لنفسك خطه وحاول كل يوم تتفرج على فيديو او تتعلم حاجه بسيطه وانت فى خلال 3 شهور ان شاء الله هتلاقى نفسك بتعرف تبرمج تطبيقات اندرويد  


شارك هذا المقال: