عمرو وإسعاد .. فن التحريض على الأكل !

فريق راجل. دوت كوم

أصبحت أيام الأحد والإتنين والتلات من كل أسبوع أيام صعبة على كل مشاهد وقع فريسة لحب الإعلاميين الكبار عمرو أديب وإسعاد يونس ، الإسمين الكبار جداً فى عالم الميديا ليهم جمهورهم وبرامجهم بتتباع بإسمهم وهم استغلوا الشعبية الجارفة دي فى طرح موضعات مهمة وف نفس الوقت تجويع المشاهد !

كل يوم لحمة !

nnnnnn.jpg

برنامج عمرو أديب على ON E " كل يوم " بيخصص حلقة يوم الاحد للمطبخ والأكلات الشهيرة وأصحاب البراندات المعروفة واللى بتحمل طابع مصرى ... الحقيقة فيه برامج بتعمل كده كتير وفيه قنوات طبخ متخصصة ولكن الحلقة مع عمرو أديب بالتحديد بيكون ليها طعم خاص ..

عمرو بياكل بشراهة واضحه ومش بيمثل فبيفتح نفس اللى بيشوفه جداً ...


مش بيتكسف من اللهلطة على نفسه ف بعض الاحيان وزيه زي اغلب الشعب المصرى بيدوس فى الاكل ومبيفكرش فى العواقب ..

صاحبة السعادة المشوحة !

pppppp.jpg

أما الجميلة إسعاد يونس صاحبة السعادة إسما على مسمى لبرنامجها اللى أصبح وجبه دسمة بحد ذاته فى موضوعاته المختلفة ولكن يوم إسعاد ما تقرر تجوع مصر كلها بتعمل ده بمنتهي السهولة ...


ردود أفعالها على قطمة سندوتش كبدة ولا معلقة بليلة بتخليك هتتجنن وتدفع نص عمرك مقابل قطمة زيها وبرضو بتتبع أسلوب استضافة الاكلات والبراندات المصرية الاصيلة ...

السؤال هنا لو حبينا نعمل تحدي بين الاتنين ... مين عنده القدرة يجوعك أكتر ؟


شارك هذا المقال: