بنزين سوبر95 .. إيه حكايته ؟

أحمد صلاح

من فتره صغيره كدا بدأنا نسمع عن نوع بنزين جديد وهو بنزين 95 سوبر بلس وتقريبا مش متوفر غير فى بنزينات موبيل بس ومش فى كل بنزينات موبيل برده تقريبا فى 100 بنزينه بس ..

وشركه موبيل بدأت تسوق لنوع البنزين الجديد ده وانه مختلف عن اى نوع بنزين موجود فى السوق ..

exxon_586x366_692.jpg

وسعره هيكون نفس سعر بنزين 95 القديم 6.60 جنيه وقالت شركه موبيل ان اى بنزينه هيكون فيها بنزين 95 سوبر بلس هيكون مكان بنزين 95 القديم .. وده معناه ان اى بنزينه موبيل هيكون عليها علامه بنزين 95السوبر بلس هتلاقى عليها زحمه .. مادام نفس السعر

لو عايز تعرف مكان البنزينات اللى متوفر فيها .. اللينك دا فيه كل الفروع https://fuels.mobil.com.eg/assets/pdfs/exxon_mobil_site_addresses_arabic.pdf

طيب ايه هو الجديد فى بنزين 95 سوبر بلس ؟

ratgeber-04-tipps-zum-tanken-960x539.jpg

نوع البنزين دا متوفر فى بعض دول العالم زى المانيا وفرنسا وقبرص وهو بنزين 95 عادى بس تم تطويره بتكنولوجيا جديده هتحافظلك على الموتور وبالاخص الصمامات ودوره نظام الوقود وبيعمل طبقه حمايه عشان يمنع الرواسب اللى بتعمل الصدا بعد فتره كبيره ..

مش بس كدا بيقولو انه بالتكنولوجيا الجديده دى هيخلى استهلاك ماتورك للبنزين اقل .. يعنى هيكون موفر للاستهلاك

وهنا هتيجى النظريه اللى ناس كتير بتتبعها وهيا انها بدل ماتقول 92 تفول 95 عشان يديك استهلاك اقل وبالتالى يكون اوفر ..

والنظريه دى كان ناس بتتبعها فى البنزين 95 القديم فممكن يكون الجديد ده افضل كمان من ناحيه الاستهلاك ..

mobile_474.jpg

وبعد بحث كتير عن تجارب الناس فى الموضوع دا لقيت ان الموضوع دا هيكون مجدى اكتر فى السفر او الطرق السريعه مش جوه البلد .. وهيكون متوسط استهلاك 5 لتر للبنزين 95 مابين 80-100 كيلو انما لو 92 هيكون مابين 60-80 كيلو .. بس برده الموضوع دا مختلف من عربيه للتانيه .. ولازم انت تحسبها بنفسك قبل ماتقرر تفول

خلص بنزينك اللى فى التانك لغايه اللمبه الصفرا .. وفول 10 لتر مثلا 95 وشوف هيمشوك كام كيلو لغايه ما اللمبه الصفرا ترجع تانى ... وفول بعديها 10 لتر 92 وشوف هتمشيك كام كيلو لغايه اللمبه الصفرا برده ...

ولو لقيت بنزين 95 سوبر بلس هيمشيك اكتر خلاص يبقى الافضل تحول له حتى لو تكلفه بقت واحده بس ده هيحافظ على ماتورك


شارك هذا المقال: