عزيزى الرجل .. بطل حك ياعم الحاج !

فريق راجل. دوت كوم


احنا متفقين من الاول ان الموقع ده لخدمة الرجالة وتقديم وجهات نظر مختلفه يتعلم منها الراجل ازاى يكون أحسن وألطف وأفيد لنفسه ولمجتمعه ... فمعلش استحمل الكلمتين الجايين دول :

يرضيك يتقال عليك او على شوية رجالة حبايبك لفظ ( الحكاكين ) ؟ والحكاك فى اليومين دول يعنى اللى مبيسيبش بنات الناس فى حالها سواء فى الشارع أو على مواقع السوشال ميديا .. ودي شوية حاجات كده تكتشف بيها اذا كنت حكاك ولا لأ .. ولو بتعملها أرجوك بطل حك .. ياعم الحاج !

- بحر لايكات !

tumblr_n0fdvgiI6j1ss93ulo1_500.jpg

على فكرة البنت اللى انت عايز تكلمها ممكن بكل بساطة تدخل تكلمها وتفتح معاها الموضوع عادي من غير متبتدى تغرقها بحر من الــ like الغير مبرر واللى عادة بيقفل منك أى واحده فى الدنيا

- ممكن نتعرف

11268053_901920063188490_1883162706_n.jpg
ومش معنى اننا بنقولك ادخل اتعرف عليها من غير مقدمات مبالغ فيها انك تدخل تقولها أكتر جملة ( حَك ) فى التاريخ وهي - هاى ... ممكن نتعرف ؟ لأنها غالباً هتعمل بلوك

- Cv

22266730-v2_xlarge.jpg


وبرضو مرحلة التعرف دى مش محتاجة تكتبلها cv وانك بتدور على عروسة ومامتك تعبت تدوير بس انت مش مقتنع بجواز الصالونات وعايز تختارها بنفسك وانك ارتاحتلها من اللى بتكتبه ع الفيسبوك .. علشان كده هي هتعتبرك حكاك بس على أشيك شوية ...

لو عايز تتعرف ادخل دخله لطيفة مش مبالغ فيها قولها:

ازيك انا بتابعك وكلامك بيعجبنى وهبقا مبسوط لو اتكلمنا وبقينا اصحاب ... وبعد كده على حسب رد فعلها تعايش بقا
ده جزء من مبادء كيف لا تصبح رجل حكاك ... وهو حكاك الفيسبوك ...وهنقسملكم الحكاكين على كذا جزء لعل وعسي ..


شارك هذا المقال: