معلش يا أمين .. الراجل المصري بيغسل عاره بإيده !

فريق راجل. دوت كوم


مصر كلها بتتكلم عن محمد ممدوح اللى عمل شخصية "أمين" فى مسلسل جراند أوتيل وقد إيه فعلاً هو عبقري وعمل الدور بمنتهي البراعة ، فى مشهد وصفه كل المتابعين إنه الأعظم والأحلى فى مسلسلات رمضان السنة دى ..


بس تفتكرو فعلاً بنظرتنا الرجالية الدائمة للمواقف ... لو راجل مصري فى 2016 عرف إن مراته بتخونه هيشيلها هيلا بيلا هي والعيل ويروح يديها للى خانته معاه ويقوله الحاجة دى تخصك متخصنيش ؟

طب عيني ف عينك كده ؟ ... صعب مش كدة

لما قعدنا نعمل سيرش شوية عن الموضوع ده لقينا ان 14 % من الجرائم اللى بتحصل فى مصر كل سنة ناتجة عن خيانات زوجية واللى مبيستحملش فيها الزوج الخيانة وبيخلص تاره زي مابيقولو ..

ومش بس كدة ...الدراما المصرية كمان رسخت الفكرة دى جداً فى كل الأعمال تقريباً وإن الراجل لازم "يغسل" عاره بإيده وكلام من هذا القبيل وآخرهم فى مسلسل الأسطورة بطولة محمد رمضان واللى كان فيه أكتر من موقف شبه ده وتحديداً " زكريا العايق " خال ناصر الدسوقي اللى لما عرف خيانة مراته وان البنت مش بنته قرر يراقبها وراح يموتها ويغسل عاره !

ياريت تقولنا إيه الأقرب للواقع من الموقفين ... هل فعلاً لو تعرض الراجل المصري لخيانة زى دى وان الطفل مش منه هيبقا أمين ؟ ولا زكريا العايق ؟


شارك هذا المقال: