4 علامات تدل على أناقتك

فريق راجل. دوت كوم

ما تستهونش في اللبس بالإضافات البسيطة اللي هي "الأكسسوارات". حاجة بسيطة جدًا لو خدت بالك منها ممكن تخلي اللبس أضعاف شياكته يعني مثلًا...

الكرافتة

Ties.jpg

لو موظف، فـ انت طول الأسبوع بتلبس كرافتة. فخد بالك إنك يبقى عندك عدد كبير علشان ما تكررهمش كتير، وتبقى نقشتهم وطريقة ربطتهم أحدث حاجة وما تمسكش في ستايل تسعيناتي. 

الشرابات 

colored-socks.jpg

لو انت مش إن اللي بيلبس "فورمال" كل يوم ولابس شرابه يبقى لونه لون بنطلون البدلة. فـ خليك كوول وانت بتنقي شراباتك، وبقى عادي جدًا إن الشراب مايكونش له علاقة بلون البنطلون أو لون أي حاجة تانية في لبسك. اختار شراب على مزاجك انت حتى لو عليه "سوبر مان" 

فتحة جيب البدلة

The-pocket-Square.jpg

حركة "المنديل" اللي بيطلع حتة من جيب البدلة الصغير دي رجعت موضة جدًا، وده لازم يبقى لايق على البدلة أو على القميص أو على الكرافتة، أو على الستايل اللي أختارته عامة.

الـ براسلت 

bracelet.jpg

لأ هي مش بس للي "الهيبيس" ولا "العيال بتوع ثانوية عامة"، انت اللي بتحدد شكلها يبقى عامل إزاي وهتتلبس على إيه يعني حتى لو لابس بدلة ومختار إنها تبقى جلد أسود مع الساعة، فبتبقى إضافة شيك. 

مصدر الصور:

askmen.com


شارك هذا المقال: