4 طرق لو عايز تختار عروسة وملكش علاقات كتير

أحمد سامي
شارك هذا المقال:

موضوع الجواز بغض النظر عن الشر اللي فيه الا ان في رجالة كتير اوى عدت من الكلية من غير ما تتجوز او تظبط مع حد و بعدين يشتغله سنتين تلاته كده و يلاقى عنده 27 ,28 سنة و عايز يتجوز عشان زهق من الخلق المعفنه المخنشره اللى هو قايم نايم معاهم و كمان نفسه فى كلمتين حنينين على اهتمام مختلف كده زى طمننى عليك لما تروح وطول اليوم كنت بفكر فيك و كده يعني


بس الرجالة دى بتواجه مشكلة كبيرة اوى هى ان يومهم ما فيهوش بنات اصلا . هو بيروح الشغل الصبح كله رجاله و بعدين يروح يشوف صحابه ع القهوة بالليل اللى هى برده كلها رجاله فلو فضل كده يبقى حيتجوز صالوناتى يعنى يقعد مع واحده مايعرفهاش خالص بالكتير مرتين تلاته و ياكلله حتتتين جاتوه و يلبس فى جوازة حاجه يعنى صباح السلق

فعشان ده مايحصلش انصح كل الرجاله اللى حالهم كده بالاتى:

1- تسيح على نفسك عند كل صحابك المتجوزين انك عايز تتجوز ( طبعا كتير هايقلولك يا عم فكك بس انت لازم تصمم) و الحوار بتاع ان حد من صحابك يشوفلك واحدة من صحابات مراته هايخلى قاعدة التعارف الذ و اريح كتير من جو الصالونات عشان مش هايكون فيه اى ضغط من الاهالى و هاتاخد قرارك براحتك.

957bff1c5fa7bcd891e9f7b728b76bcd_123583871_127.jpg

2- ما تفوتش مناسبة خطوبة , فرح اى حاجة غير لما تروحها و طبعا تبقى ضارب الحته اللى عالحبل وتبقى قاعد زى الدش اللى على موتور عمال يدور عالقمر اللى عليها العين و ماتمشيش من هناك من غير ما تعرف السورسات اللى حتظبتلك الحوارات.

x240-Vcz.jpg

3- كورساتك : تروح كورس اسبانى , المانى , لبنانى اى حوار و هناك انت و حظك. ممكن تلاقى واحده كويسة و الموضوع ده لذيذ فى انك بتعرف شخصيتها كويس قبل ما تخش فى اى حاجة رسمى و تكون ضامن انها لايقه عليك.

27538.jpg

4- الاهتمام العالى بالذات فى الفترة دى يعنى لبس برنس , جيماتك , جيلاتك على حته كده iPhone او Samsung Galaxy و ساعة نظيفة. البنات تافهين والحاجات دى بتفرق معاهم.

13725676_502829543261151_1132918122_n.jpg

فى النهاية اعلن عدم مسئوليتى عن اى ندم بعد اى جوازه تتم باستخدام السكك اللى فاتت عشان يا بنى الندم ده جزء من عملية الجواز اصلا و ربنا معاك.