أسباب الإهتمام بــ " قصقصة " العريس يوم الدخلة

فريق راجل. دوت كوم

مفيش راجل متجوزش إلا وأصحابه عملوا معاه الصح يوم دخلته بالتحية إياها ... والحقيقة حاولنا ندور على سبب منطقى لإنتشار العادة دى بين الشباب وتسليم الراية من إيد جيل إلى جيل ومن ( *** ) عريس إلى عريس وملقناش ! فحاولنا نناقشها معاكم :

wedding-1209729_960_720.jpg

تنبؤ :

يمكن بيتنبأ أصحاب العريس ليه بإن حياته كلها هتكون مليانة بعد الجواز بالمقالب والخوازيق ومش هيعرف يعيش حياته بالطول والعرض زى ماكان عايشها وهو بطوله ؟ يمكن !

8.jpg

انتقام :

يمكن بينتقموا منه علشان هيسيبهم لوحدهم ويروح مع عروسته ويتجوز ويعمل الحاجات اللى نفسهم يعملوها ومش عارفين لسبب أو لآخر فبيعملوها كنوع من الإنتقام وفش الغل ؟ يمكن !

9.jpg

تحفيز :

يمكن بيحفزوه عن طريق تحويل الطاقة السلبية لطاقة إيجابية وفاهمين إن فيه علاقة طردية بين الأخد والعطا ؟ كل ما خد اكتر أعطى أكتر ؟ يمكن !

11.jpg

رد الدين :

تقريباً العريس بتاع الليلة بيكون واحد من المعازيم فى افراح سابقة وعمل التحية والواجب ده مع واحد من اصحابه اللى جاى النهاردة فى ليلة فرحه ومستحلفله يردله الصاع صاعين ... ولكن برضو ليه اللي متجوزوش لسه بيشاركوا فى الطقس ده ؟ ومين أول واحد اخترعه فى افراح الناس فبدأ الناس تردله ودخلنا الدايرة دى ؟

بغض النظر عن الأسباب الحقيقة أو المنطقية ... فكر كدة وشارك معانا انت وشلتك .. بتعملوا كدة ليه ف – بنطلونات – النااااس ؟


شارك هذا المقال: