عودة العنــتـيل !

أحمد صلاح

عنتيل المحلة , مين مايعرفهوش !! مدرب الكاراتيه الشهير .. خرج من السجن بعد ماقضى سنتين مع الشغل وكفالة 10 الاف جنيه واللى كان متهم فى قضية بممارسه الجنس مع 25 سيدة داخل النادى ..


ومن اول مانزلت صورة عبد الفتاح الصعيدى على الفيس وكتير من الشباب قاعد يشير فى الصورة وكمية تعليقات ساخرة مالهاش حدود ..


اللى يقول " يارب يرجع مثقف أكتر من الاول " واللى يقول " الموقع الازرق محتاج ابديت لفيديوهات جديدة " واللى يقول " زمان مرتبتك الحمرا وحشتك " ...

30739634_10156266607724817_736375278225326080_n.jpg
 
وكعادة الفيس والتعليقات اللى عليه مابترحمشى حد .. وكلها تعليقات من وجهة نظرى سخيفة جدا مش شايفين قد ايه صورته وهو قاعد على القهوة فيها كمية بؤس وحزن ..

طبعا .. حط نفسك مكانه بسبب غلطه عملتها فى حياتك هاتخسرك شغلك وحياتك الشخصية ويمكن أهلك واقرب الناس ليك .. واحد زى دا يعمل ايه .. واكيد مافيش حد هيرحمة تلاقيه وهو قاعد على موبايله فى القهوة وشايف كل الناس بتقول تعليقات زى دى عليه يبدأ ازاى ؟؟

وهنا لازم نقول شويه نصايح لأى حد شايف نفسه حالته زى حالة عبد الفتاح وعايز يبدأ حياة جديدة .. يعمل ايه ؟

Image1_420181819518981417261.png


1/ انسى الماضى
دا اول بدايه ليك لازم تمحية باستيكة وان كنت غلطت زمان لازم تصارح نفسك بالغلط وتنوى انك ماترجعش تكرر غلطك مهما حصل
1/ حدد هدفك
شوف انت عايز ايه من الحياة بقه وعاوز تكون ايه فى المستقبل ولازم يكون هدفك منطقى
2/ قرب من حبايبك
هنا لازم تعرف مين اللى هيقف فى صفك ومين اللى باعك ومين اللى عنده استعداد يبدأ معاك من جديد ويسنالك الماضى
3/ اتحكم فى مشاعرك وافكارك
وكفايه تلوم نفسك على اللى حصل زمان عشان تقدر تمشى ورا هدفك
4/ الدكتور النفسى
العلاج النفسى مش عيب والله ولو لقيت نفسك محطم ومش قادر تبدأ من جديد روح اعمل علاجات نفسية هاتفرق معاك بجد


امشى على الخطوات دى وان شاء الله تبدأ حياة جديده وتثبت لكل الناس انك اتغيرت وبقيت انسان جديد


شارك هذا المقال: