الروايات والكتب الأفضل فى 2017

أحمد سامي

عام 2017 صدر فيه روايات كتير سواء في مجال الأدب السياسي , الاجتماعي , التاريخي و حتي الخيال العلمي , عشان كده هانرشحلك أهم روايات في كل نوع من الأدب , يمكن يسلوك في أجازة السنة الجديدة

الرواية السياسية

booooo-.jpg

بدأت 2017 برواية يمكن اعتبارها رواية من العيار الثقيل، و هي رواية – كل هذا الهراء- ل عز الدين شكري فشير , اللي رجع بيها للساحة الأدبية ليشرّح المجتمع المصري قبيل وأثناء وبعد الثورة المصرية 2011، أهمية الرواية كانت في انها بتفضح وتكشف سوءات المجتمع بوضوح، وازاي أن كل ادعاءات الحريّة والرغبة في العدل والمساواة ليست إلا عبارات بيتشدق بيها حتى الثوريين نفسهم، ولكنهم لما بيتحطوا في اختبار حقيقي لمبادئهم وقيمهم بيلاقوا نفسهم زي جلاديهم ورؤسائهم

الرواية التجريبية

hanaa.jpg

أهم رواية في النوع ده كانت رواية حمام الدار ل سعود السنعوسي و في روايته بيناقش القضايا اللي بتتعلّق بالوجود والعدم، والغياب والحضور، و كمان مسألة الخلق والكتابة وعلاقة الكاتب بأبطال روايته !

الرواية التاريخية

baligh.jpg

هنا -طلال فيصل - بيستعيد سيرة الحب مع الملحن المصري بليغ حمدي في روايته بنفس الاسم( بليغ) ، واللي استطاع فيها طلال أنه يصور حال وحالة الملحن المصري العبقري، وسيرته الاستثنائية وحكايته من البداية للنهاية ، و يحكي بالموازاة مع حكايته حكايات تانية تتعلق بالحب ومصادفات الحياة

الرواية الاجتماعية

mm.jpg

ومن المنصورة بنرشح رواية داليا أصلان اللي بترصد التاريخ الاجتماعي في روايتها (المختلط) اللي بتصور سيرة حياة مدينة المنصورة من أيام الاحتلال الإنجليزي لغاية العصر الحالي من خلال حكايات أهل المدينة البسيطة وعلاقتهم بالغرباء

و أخيرا .. روايات المستقبل ,و رواية-موسم صيد الغزلان - لأحمد مراد، اللي قوبلت بالكتير من الحفاوة من جمهور الشباب و الانتقادات في نفس الوقت

يا تري ايه أحيسن رواية أو كتاب عجبك في 2017 ؟


شارك هذا المقال: