صيف 2016 رجوع موضة "جدو" .. السالوبيت والصنادل

شيماء عادل

موضة الصيف دا يا رجالة هترجعنا بقوة ل 1950، يعنى المحظوظ فينا ولسه جدو عايش يجرى يقلب دولابه كله علشان الموضة السنة دى عبارة عن التصميمات والأشكال والنقوشات والستايلات إللى كانت موجودة فى فترة الخمسينيات..أيووه بالظبط كده إحنا كل مابنطلع بالزمن لقدام بنرجع بالموضة لورا ودا تأكيدا لشعار  “old is gold” بس ربنا يستر ومنلقيش نفسنا بعد كام سنة شكلنا يكون كده

1.jpg


الصيف دا إنسى البنطلونات الضيقة من نوعية ال slim أو skinny ، لأن إللى الحاجات دى خلص وقتها خلاص ودلوقتى بقى وقت اللبس المريح يعنى البنطلون الواسع وحتى التى شيرت أو القميص السنة دى لازم شكله يكون واسع شوية يعنى مش ضيق على الجسم

2.jpg

3.jpg

وإللى بيثبت الكلام أكتر إن البنطلون الباجى بتاع زمان برده رجع تانى

4.jpg

5.jpg

بالنسبة للساحل وطلعات الصيف والسفر فبجانب البنطلون الواسع والمريح، هنلاقى الشورت القصير والسنة دى هى موضة للشورتات القصيرة شوية يعنى فوق الركبة بحوالى 10 سم.

7.jpg

نيجى بقى للجزء إللى فوق، زى ما قولنا إن الموضة السنة دى راجعة ب look الخمسينيات وعلشان كده هنلاقى القميص النص كم متصدر صيف 2016 بقوة.. وعلشان اللوك دا تقريبا كان إنقرض من زمان فأشهر بيوت الأزياء والديزاينيرز العالميين قرروا يدخلوا التحدى ويحاولوا يرجعوا اللوك دا تانى بطريقة تحبب الناس فيه. فحاول تجرب اللوك دا عليك سواء قميص لوحده أو قميص مفتوح وتحته تي شيرت، وممكن كمان تجرب القمصان المنقوشة أو المطبوع عليها لأنها هى كمان راجعة بقوة.

8.jpg

9.jpg

10.jpg

11.jpg

12.jpg

كمان مستغتربش لو شفت  overallsأو بمصطلحاتنا "السولوبيت" لأنه كمان من الحاجات إللى إعتمدت تقدمها كتير من الماركات والعلامات التجاربة المعروفة السنة دى.

13.jpg

السنة دى هتلاقى  "الدينم" هو المسيطر على الساحة، لدرجة إن حتى الجزمة هنلاقى منها ستايلات كتير مصنوعة من الدينم، كمان هنلاقى الموضة بتجمع بين   slip on shoesوفى منها مصنوع من الدينم،  Sneakers و Sandals  

15.jpg

16.jpg

17.jpg

20.jpg

21.jpg

اما عن أهم الألوان السنة دى فالأخضر هو المسيطر، كمان الألوان المائية (الأزرق بكل درجاته) وهنشوف الأبيض خصوصا فى البنطلونات، والرمادى كمان ودا على غير العادة فى الصيف وألوان تانية كتير جمعناهلكم هنا

22.jpg


شارك هذا المقال: