الطريقة السحرية لفتح سكة كلام مع بنت معجب بيها

شيماء عادل

فى رجالة كتير مش بتعرف إزاى تفتح سكة للكلام مع البنت إللى معجب بيها مثلا، أو إزاى لو فتح كلام يقدر يحافظ على تيمة الحوار وميخلهاش تقفل منه وتقلب القعدة وتقوم

والسبب ورا إن الحوار ينتهى نهاية مش سعيدة هو إن رجالة كتير بتفتح مواضيع غلط أو يقعد يرغى هو ويتكلم كتير عن نفسه من باب إنه يغريها ويتمنظر بشوية حاجات فى شغله أو أهله، أو حتى بشوية معلومات عامة يعرفها.

unnamed-1-.jpg

علشان كده أهم حاجة لازم تعرفها علشان تنجح القعدة دى هو إنك "متتكلمش كتير...إسأل بس" خلى طريقة كلامك معاها معظمها أسئلة عن نفسها وعن شخصيتها، بتحب إيه وتكره إيه وهكذا.

البنات دايما بيحبوا يحسوا إن إللى قدامهم عايز يكتشفهم، عايز يفهمها ومهتم إنه يعرفها ويعرف أدق تفاصيل فى حياتها، بجانب طبعا إن البنات بيعزوا الرغى زى عيونهم فكل ما تديها فرصة ترغى أكتر كل ما هيكون عندك فرصة معاها أحسن.

08_Youm_Malosh_Lazma_x264_AAC_BY_tamercome.jpg

لكن مهم كمان تعرف إيه شكل وطبيعة الأسئلة إللى ممكن تتسأل خصوصا فى الأول، لأن زى ما فى حاجات هتكون حلوة منك إنك تسألها..فى كمان حاجات لو سألتها هتبقى بوظت الدنيا. 

1- إحكيلى عن نفسك

002_Ezaaet_Hob_2011_DVDRip_Xvi_D_BY_tamercome_avi.jpg

أول حاجة مناسبة تفتح بيها الحوار هو إنك تحاول تعرفها هى شخصيا، تكتشف شخصيتها.
زى مثلا لو هى مش معاك فى الشغل يبقى إسألها عن طبيعة شغلها مبسوطة فيه ولا لأ، كان نفسها تكون إيه وهى صغيرة، عايزة تحقق إيه قدام، إيه أكبر هدف فى حياتها... وهكذا

2- إعرف بتحب إيه

maxresdefault_191.jpg

كمان من الأسئلة إللى بتخرجكوا من حالة التوتر أو التنشنة إللى ممكن تكونوا فيها هو السؤال دا بكل مشتملاته ، يعنى إيه أكتر لون بتحبه، أكلتها المفضلة، فيلمها المفضل، أكتر مكان بتحب تروحه.. بتحب القراءة ولا لأ، بتحب الخروجات ولا البيت أكتر، بتحب تعمل إيه وهى مبسوطة وهكذا.

3- دلوقتى إبدأ قول رأيك

طبعا مش من الحاجات الحلوة خالص إنك تفضل قاعد صامت طول القاعدة، ومش هو دا إللى قصدناه لكن دخولك فى الكلام لازم يكون بتكنيك وفن معين علشان لا يبان إنك رغاى ومدلوق ولا يبان إنك ساكت على طول ومش مهتم.
والخطوة دى يجى وقتها بعد السؤال إللى فات..إزاى؟!

1449181374_images-1.jpg

يعنى بعد ما تعرف منها مثلا إنها بتحب القراءة وبتقرأ لأنهى كاتب، تبدأ تشاركها الحوار وتقول رأيك فى الكاتب دا "لو عارفه طبعا" أو تقول رأيك فى أى كاتب تانى أنت بتحبه وتبدأ تفتحوا مناقشة من إتجاهين ، بس إوعى تجاملها فى النقطة دى أوتكدب عليها وتتكلم فى حاجة متعرفهاش أو تقول إنك أنت كمان بتحب حاجة زيها وأنت أصلا بتكره الحاجة دى لأن لو ربنا كرمك والحوار كمل هيبان إنك كنت بتكذب وساعتها شكلك هيكون مش لذيذ.

4- إحكى عن تجربة ليك

TI9v14I.jpg

أول ما تلاقى حاجة مشتركة بينكم إمسك فيها لأن دى هتفتحلك طاقة القدر فى الكلام، يعنى مثلا لو مجال شغلكوا واحد إبدأ اتكلم عن مواقف ليك فى الشغل دا، بس مواقف بجد يعنى لو حكيتها هتنبهر بيك أو موقف كان مشكلة مثلا وأنت وصلت لحل أو حتى ممكن موقف كوميدى ولذيذ كده "بس

لذيذ بجد هاااه!!" ساعتها هتلاقى حابه تسمعك ومستجيبة معاك كمان.

5- أسئلة عادية بس ضرورية

3908683da544e943eb41a461bd7f3691.jpg

فى أسئلة كده بتكون عادية جدا بس البنات بتحب تتسألهم "طبعا بشياكة" زى مثلا مين أقرب حد ليكى، علاقتك بإخواتك، أنتى أقرب لمين أكتر "مامتك ولا بابكى" إيه أكتر حاجة مجنونة عملتيها، أكتر حاجة بتخوفك، أكتر شخصية بتحبيها فى الناس، مواقف صعبة فى حياتك، حاجة ندمتى

عليها... نوع الأسئلة إللى زى دى بيكون مهم جدا بالنسبالك لأنك مهم تركز فى كل إجابة بتقولها ومنها هتعرف حاجات كتير عنها، ومش قصدى هنا الحاجات إللى هى بتقولها..لأ، قصدى الكلام إللى بين السطور، الكلام إللى بتقوله وإللى هتفهم منه حاجات هى مش هتقولها. فخليك مصحصح.

6- قوليلى على سر محدش يعرفه

-.jpg

الخطوة دى إوعى تاخدها غير لما تتأكد إنك مليت إيدك من الموضوع وحسيت إن الدنيا بقت حلوة معاك وكله تمام وإنها معجبة بيك والحوار ماشى حلاوة، ساعتها بس ممكن تلعب معاها اللعبة دى وتسألها عن سر صغير كده محدش يعرفه سواء دلوقتى او سر من زمان وهى صغيرة، سؤال كده

مش تقليدى ومش هتكون متوقعاه فهتتبسط بيه لأنها هتحس إنك مختلف مش مجرد واحد حافظ كلمتين جاى تقولهم وماشى وبعد السؤال دا هتحس بإنكوا قربتوا كده من بعض شوية بطريقة لذيذة.

7- مواضيع إوعى تفتحها

إما بقى عن المحظورات ففى كام موضوع كده مينفعش تفتحهم مع أى بنت على الأقل فى الأول...زى إيه بقى

- الماضى:

Cq-qswPXYAEWnpW.jpg

إنك تكون عايز تعرف هى صاحبة قبل كده ولا لأ، وإرتبطت كام مرة وعلاقتها مع الجنس الآخر عاملة إزاى والجو دا. مش مقبول بالنسبالها إنك تسأل الأسئلة دى فى الأول "وساعات حتى فى الآخر" لأنها حاجة قديمة وخلصت زى ما انت كراجل أكيد برده كان عندك حوارات

وبلاوى قديمة وخلصت. صحيح من حقك ومن وجهة نظرك إنك لازم تعرف شوية حاجات تخليك مطمن على نفسك وعلى إسمك مع البنت إللى هتختارها، بس برده فى أساليب كتير غير جو إنها تحس إنها قاعدة مع وكيل نيابة فى محضر رسمى.

- شكلها، وزنها، ستايلها:

Riahngag_2.jpg

أكيد طبعا أنت عارف حاجة زى دى لكن برده نحب نأكد عليها، مينفعش تنتقدحاجة فى شكلها أو ستايل لبسها أو تتهور وتسألها وزنك كام. لكن ممكن تتكلم فى الحاجات دى فى شكل مديح مش أكتر.

- عربيتى..ساعتى..بيتى..:

00000000000000.jpg

أو أى حاجة تكون عايز تتمنظر بيها من الآخر كده. لأنه بيبان يا عم والله، بيبان إنك عايز تتمنظر على الفاضى وتحسسها إنها قاعدة مع توم كروز ودا بيجيب نتيجة عكسية تماما لأنه بيبان ليها دا إيه أنت فاضى من جواك ومش واثق من نفسك كمان.

- صحباتك البنات:

film-7rem-karem.jpg

وخصوصا أنتيمتك أو حبيبتك القديمة، يعنى متلعبش دور "كل البنات بتحبك" وتبين إنك مقطع السمكة وديلها وأنك فاهم البنات والجو دا.


شارك هذا المقال: