نصيحة من ست: إزاى تتفادى مشاكل أول شهر في العلاقة

دينا حشيش
شارك هذا المقال:

أحلى أيام في العلاقة بتكون قبل ما تبدأ. الواحد بيبقى متحمس جدا قبل الخروجة ولما يروح يفضل يتكلم مع الكراش في التليفون لغاية الفجر، والمكالمات بتبقى مسلية وكلها رقة وضحك ، البنت بيتقى لذيذة مع كل صحابك وأهلك، وبتحسسك إن عمرها ماهتضغط عليك علشان تتقدم، وإنت بتحاول تقنع نفسك إن مفيش حاجة هتتغير. هوب قولتلها بحبك، هوب قالتلك وأنا بموت فيك، وشهر كمان وبدأنا النكد. إحنا بقى هنحاول نساعدكوا النهاردة تتفادوا الحوارات الكلاسيكية بتاعة أول شهر.

unnamed-6-.jpg

الخروج مع الصحاب

إياك تفرط فيه ، ده مش معناه إنك تهمل حبيبتك وتدي كل وقتك لقعدات الشباب، بس إحتمال تلاقيها بدأت تشتكي وتغير من قعدتك معاهم، وده إختبار ليك وبتشوف أخرك إيه.

متستسلمش وخلي موقفك واضح لأن لو عملت كيوت وضحيت بقعدة صحابك، قدام لما تزهق، مش هتعرف تغير النظام من غير حوارات ونكد.

unnamed.png

القمص

على قد ما في بنات مصرية كتير جدا بتعشق الضحك واللذاذة، بس النكد والزن ممكن يظهووا في أي لحظة، والقمص ما هو إلا سلاح سمج عند البنت علشان تأخد منك اللي هى عايزاه.

لو مسألتش فيها وسبتها مقموصة، هتتقمص أكتر والموضوع يقلب سماجة أكتر. لو كل ما تتقمص، جريت صالحتها، خلاص إنت كدة لبست ، أول ما تقولك "مفيش، أنا كويسة"، تفهمها علطول إن دي أخر مرة هينفع فيها قمص معاك من غير نقاش صحي، يحل المشكلة.

unnamed-7-.jpg


تغيير الموقف تجاة صحابك أو أهلك

أنا ضد إن راجل أو ست يتقلبوا على ناس عشرة عمر علشان شخص جديد دخل حياتهم. إتمسك بالناس اللي في حياتك، وأنا طبعا مش بتكلم على الإكس اللي بقت أنتمتك. مفيش بنت هتستحمل كدة. أنا بتكلم على جو "أختك بتبصلي بطريقة غريبة " و "أنا حاسة صاحبك مش بيحبني".

unnamed-8-.jpg

ضغط الجواز

مش كل البنات واضحة من أول يوم. في عدد كبير بيفكر ليه تخوفك وتقولك إنها عايزه تتجوز بعد كام شهر وتطفشك. وبتفتكر إن أكيد لو إنت حبيتها هتتقدم من غير تفكير.

للأسف الراجل بيفكر ميت مرة قبل قرار الجواز لأن الحياة في مصر بقت صعبة على أى شاب. خليك واضح من الأول. البنت بتحب تقولها معاد .. سنة بقى، سنتين، المهم تديها نطاق زمني وتشتري راحتك.